Marami na ring pagkakataon na ako’y nakasalamuha ng mga pervert.. pervy na lang ika ni naruto. Ito yung mga taong hindi ko alam kung ano ang nasa isip at bakit gusto ng ano…. Hahaah ano nga ba? At para masaya heto ilalagay ko sa blog ko ang ilan sa aking mga natatandaan na karanasan…
1. Taong 2004 medyo bata bata pa ako sinamahan ko ang pamangkin kong kumuha ng entrance exam sa isang skwelahan sa Pasig. Ayaw magpaiwan at nagpaantay pa, dahil mabobore ako sa loob ng skwelahan.. lumabas ako at nagikot ikot. Sa tapat ng skwelahan may park. Naupo ako at txt txt. Biglang may umupo sa tabi ko, xempre hindi ko pinansin. Nagulat ako bakit parang may dumadampi sa balikat ko, hala naguunat pala ng buto ang katabi ko. Bakit umaga? Bagong gising? Ilang beses nyang inulit.. nagpapapansin pala, tinanong ako kung anong oras na, dahil mabait ako sinabi ko, pero may sumunod pa syang katanungan.. medyo madami – anong ginagawa ko sa park? Sino katext ko? Ilan taon na ako? San ako nakatira?.. at kung pwede ko daw siyang samahan sa bahay nila… aba! Natakot ako. Bakit? Kelangan nya ba ng boy na magpapakain ng aso? Hindi ako tinantanan.. pati cellphone number ko tinatanong at kung gusto ko ng bagong cellphone. Naks! Oo gusto ko pero ayaw ko nang galing sayo. Maya’t maya sabi niya kahit isang gabi lang daw, bigyan nya daw ako ng pera. Hahahah hindi ako uto uto.. bigla akong kumaripas ng takbo sa loob ng skwelahan.
2. 2008 yata ito?, galing trabaho nakapila ako sa pila ng FX sa robinson’s galleria pauwi. Sa unahan ko may mama – matangkad, bilugan, maliit ang mata. Naiinis ako dahil galaw ng galaw ung backpack nya tinatamaan ako sa likuran.. dumistansya naman ako. Pagsakay ng FX umupo sa tapat ko sa bandang likuran at mula pagsakay hanggang sa pag-andar nakatitig sya sa akin, hindi ko alam kung masama ang tingin. Nakakot ako. Baka holdaper kasi wala sa itsura niya na lalaki din ako gusto. Tapos yung tuhod niya dinidikit sa tuhod ko, yung paa niya tinatapakan ako. Natutunaw ako. Nagpanggap akong tulog pero sa kalagayang iyon ako’y nagdarasal na sana siya’y bumaba na. malapit na akong bumaba pero ganun pa din ang sitwasyon ko. Pagbaba mahigpit ang hawak ko sa bag ko at dali dali akong naglakad ng matulin. Hinabol niya ako sabi niya sandali, akala ko may naiwan ako. Kinausap niya ako tinanong kung ano ang pangalan at number ko? Naku hindi ako umimik sabi niya pwede daw ba niya akong maging kaibigan.. hala nangangatog na tuhod ko. Kabastusan man.. muli tumakbo ako papuntang terminal ng tricycle. At hanggang ngayon nakikita ko pa din siya at nagtatago ako.
3. Dahil shifting kami sa office nagkataong 10pm ang uwi ko at dun ako sa megamall sumakay ng FX. Ang galing sa unahan ako at walang katabi makakaidlip ako. Maya’t maya may sasakay may dalang malaking bag – pormang bading na bading, naku sa unahan sumakay. Masikip. Hirap huminga. Hirap gumalaw. Pero nakaidlip pa din ako. Maya’t maya may gumagapang na kamay sa hita at tuhod ko. Naku! Nangatog nanaman ako, hindi kita ng driver kasi tinatakpan ng malaking bag niya. Huhuhu ano gagawin ko ayaw ko ng skandalo? Pinalo ko ang kamay niya! Hindi pa din niya tinanggal. Tumingin pa sa akin, nakakatakot – nang-aakit. Bastos pinalo ko ulit ang kamay niya at pumara ako. Nagkukumahug bumaba at naglakad ng mabilis sabay para ng ibang masasakyan.
4. Isa nanamang karanasan sa fx, Last year lang ito. Pagsakay ng fx umupo ako sa likuran dulo. Maya’t maya may sumakay din.. tumabi sa akin.. ginigitgit ako.. dinidikit ang tuhod sa tuhod ko. Kinikiskis ang braso niya sa braso ko. Aba! Hindi na ito dapat. Gumalaw ako. Hinawakan niya kamay ko at tinakpan niya ng jacket. Inalis ko at inayos ko ang pagkakaupo ko, saktong may bumaba lumipat ako ng upuan, tumititig naman siya. Hindi ko pinansin, naidlip ako. Paggising ko.. hay salamat nakababa na.
5. Eto naman ay sa jeep this year lang. Sumakay akong jeep mula Crossing papuntang Pasig. Medyo maluwag kasi gabi na. pwede nang humilata at mahiga sa luwang. Nakakapagtaka sa luwang ng jeep may bading na nakasandal sa akin.. ahh baka tulog lang. pero yung ulo niya halos idikit na sa mukha ko. Umurong ako. Umurong din siya. Isinandal pa niya braso niya sa hita ko. Naku! Wag dyan may kiliti ako dyan, iniwas ko hita ko. Natakot naman ako sigaw ng para! At takbo palabas.. huhuhuhu nangangatog nanaman tuhod ko.
6. Ito naman ang pinaka-latest, kagabi lang. Sa FX kasabay ko officemate ko pero nauna siyang bumaba, gabi na yun 11pm. Ako na lang tao sa likod, at may isang tao na rin ang naiwan sa gitna. Nakaidlip nanaman ako tapos biglang nagulat ako may pumipisil na sa hita ko at humahawak sa kamay ko.. aba ang haba ng kamay nung tao sa gitna nakaabot sa likuran. Ang laki niyang tao mukha siyang Tibo yun pala bading. Pagtingin ko sa kanya ngumiti pa. yuck! Maniac! Lumayo ako at sumimangot buti na lang bumaba na siya at hindi ako sinabayan sa pagbaba kasi nangangatog na tuhod ko. Parang hindi na ako makalakad ng wasto.
Sa aking mga karanasan ako ay laging ninenerbyos at automatic na nangangatog ang tuhod. Bakit sila ganun? Ano ba ang gusto nila? Bakit duon? At Bakit ako pa?
Sana hindi na ito maulit.. kahit na ako’y sanay na sa mga ganitong stwasyon hindi ko pa din alam ang gagawin ko.
Sana bigla na lang kayong maglaho, pumili kayo ng ibang tao.. please lang wag naman ako!!!! Hinding hindi ko maibibigay ang gusto niyo!!!!
Get lost!!....
No comments:
Post a Comment